Ռուսաստանում հունիսի 14-ին մեկնարկած աշխարհի առաջնությունում պայքարն է սկսում Ֆրանսիայի հավաքականը։
Շարունակում ենք ներկայացնել ԱԱ-ի մասնակիցներին: 32 մասնակիցներից 29-րդը Ֆրանսիայի հավաքականն է:
Ֆրանսիայի հավաքականը մունդիալներին չի մասնակցել միայն 5 անգամ (1950, 1970, 1974, 1990, 1994)։ Լավագույն արդյունքը ֆրանսիացիները գրանցել են 1998-ի տնային առաջնությունում, երբ Զինեդին Զիդանի փայլուն խաղի արդյունքում նվաճեցին ՖԻՖԱ-ի գավաթը։
Ֆրանսիան 2 անգամ դարձել է նաև բրոնզե մեդալակիր (1958, 1986)։
ԱԱ-2018-ի որակավորման փուլում Ֆրանսիան առանց խնդիրների խմբում գրավեց առաջին հորիզոնականը (Ֆրանսիա, Շվեդիա, Հոլանդիա, Բուլղարիա, Լյուքսեմբուրգ, Բելառուս)։
ԱԱ-2018-ի խմբային փուլում Ֆրանսիան մրցելու է Ավստրալիայի (հունիսի 16), Պերուի (հունիսի 21) եւ Դանիայի (հունիսի 26) հավաքականների հետ:
ԱԱ-2018-ում բուքմեյքերները Ֆրանսիայի հավաքականի հաղթանակը սահմանել են 7․50 գործակիցով։ 1/8 եզրափակիչ դուրս գալը ստացել է 1․8 գործակիցը։
Թիմի վերջնական հայտացուցակն ԱԱ-2018-ում
Դարպասապահներ. Ալֆոնս Արելոա (ՊՍԺ), Ուգո Լյորիս («Տոտենհեմ»), Սթիվ Մանդանդա («Մարսել»):
Պաշտպաններ. Լուկաս Էրնանդես («Աթլետիկո»), Պրեսնել Կիմպեմբե (ՊՍԺ), Բենժամեն Մենդի («Մանչեսթեր Սիթի»), Բենժամեն Պավար («Շտուտգարտ»), Ադիլ Ռամի («Մարսել»), Ջիբրիլ Սիդիբե («Մոնակո»), Սամյուել Ումտիտի («Բարսելոնա»), Ռաֆայել Վարան («Ռեալ»):
Կիսապաշտպաններ. Ն՛Գոլո Կանտե («Չելսի»), Բլեզ Մատյուիդի («Յուվենտուս»), Ստիվեն Նզոնզի («Սեւիլիա»), Պոլ Պոգբա («Մանչեսթեր Յունայթեդ»), Կորանտեն Տոլիսո («Բավարիա»):
Հարձակվողներ. Ուսման Դեմբելա («Բարսելոնա»), Նաբիլ Ֆեկիր («Լիոն»), Օլիվյե Ժիրու («Չելսի»), Անտուան Գրիզման («Աթլետիկո»), Տոմա Լեմար («Մոնակո»), Կիլիան Մբապե (ՊՍԺ), Ֆլորիան Տովեն («Մարսել»):
Գլխավոր մարզիչը
49-ամյա աշխարհի չեմպիոն (1998) Դիդյե Դեշամը 2012 թվականից է գլխավորում Ֆրանսիայի հավաքականը։ Նրա ղեկավարությամբ ֆրանսիացիները Եվրո-2016-ում հասան եզրափակիչ, որտեղ պարտվեցին Պորտուգալիային։ Իսկ մինչ այդ, ԱԱ-2014-ում թիմին դուրս բերեց քառորդ եզրափակիչ (պարտվեցին Գերմանիային)։
Ֆրանսիայի հավաքականից առաջ Դեշամը հաջողությամբ աշխատել է նաև «Մարսելում», որի հետ դարձել է երկրի չեմպիոն, գավաթակիր և սուպերգավաթակիր։
Հիշեցնենք, որ աշխարհի առաջնության եզրափակիչ մրցաշարը մեկնարկել է հունիսի 14-ին և կավարտվի հուլիսի 15-ը։ Այն կայանալու է Ռուսաստանի 11 քաղաքներում՝ Մոսկվայում, Սանկտ Պետերբուրգում, Սոչիում, Կազանում, Նիժնի Նովգորոդում, Սարանսկում, Սամարայում, Դոնի Ռոստովում, Վոլգոգրադում, Կալինինգրադում եւ Եկատերինբուրգում: Աշխարհի չեմպիոնի տիտղոսը կպաշտպանի Գերմանիայի հավաքականը: Խմբային փուլի վիճակահանությունը կայացել էր դեկտեմբերի 1-ին Մոսկվայում։
ԱԱ-2018-ի մասնակիցները.
Ճապոնիա, Պերու, Եգիպտոս, Շվեդիա, Մեքսիկա, Թունիս, Իրան, Պանամա, Մարոկկո, Սաուդյան Արաբիա, Կոստա Ռիկա, Ավստրալիա, Սենեգալ, Նիգերիա, Սերբիա, Հարավային Կորեա, Դանիա, Խորվաթիա, Իսլանդիա, Շվեյցարիա, Անգլիա, Ռուսաստան, Լեհաստան, Բելգիա,
Կոլումբիա, Ուրուգվայ, Պորտուգալիա, Իսպանիա։
NEWS.am-ում աշխարհի առաջնության լուսաբանման գլխավոր գործընկերն է TotoGaming-ը:
Ժամանակն է սկսել նոր հաղթանակների ուղին TotoGaming-ի հետ։
Առաջին քայլը կօգնի անել Ողջույնի բոնուսը։
Դուք կստանաք 2000 Դ FreeBet պարզապես գրանցվելով www.totogaming.am կայքում։
Մանրամսները․ www.totogaming.am
Օրվա հավանական հաղթող խաղադրույքներին կարող եք ծանոթանալ TotoExpert.am–ում։
Լուսաբանման գործընկերն է Ucom-ը:
Այս ամառ Ռուսաստանում ինտերնետն ընդամենը 15 դրամ:
Ընդամենը 15դրամ/ՄԲ ռոմինգում ևս 42 երկրում:
Ucom. Ձեր հանգստի օպերատորը: Մանրամասները՝ այստեղ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։