Ֆուտբոլի եվրոպական Չեմպիոնների լիգայի 2025-2026 թվականների մրցաշրջանում եզրափակիչը կանցկացվի Հունգարիայի մայրաքաղաք Բուդապեշտում, հաղորդում է ՈւԵՖԱ-ի կայքը։ Որոշումն ընդունվել է Իռլանդիայի մայրաքաղաք Դուբլինում անցկացված ՈւԵՖԱ-ի Գործադիր կոմիտեի նիստում։
Չեմպիոնների լիգայի ընթացիկ մրցաշրջանում եզրափակիչը տեղի կունենա հունիսի 1-ին Լոնդոնի «Ուեմբլի» ստադիոնում։ Տիտղոսը կվիճարկեն Մադրիդի «Ռեալն» ու Դորտմունդի «Բորուսիան»։
Հաջորդ տարի Չեմպիոնների լիգայի եզրափակիչը կանցկացվի Մյունխենում։
Հետևեք NEWS.am SPORT-ին Facebook-ում, Twitter և Telegram-ում