Երեւանի «Փյունիկը» պայմանագիր է կնքել մեքսիկացի հարձակվող Սեզար Ռոմերոյի հետ: Ֆուտբոլիստը միացել էր թիմին երկու շաբաթ առաջ եւ հաջող փորձաշրջան անցել Հայաստանի գավաթակրի կազմում:
24-ամյա Սեզարն ավելի վաղ հանդես է եկել Մեքսիկայի երկրորդ դիվիզիոնը ներկայացնող «Մուրսիելագոսում» եւ ամերիկյան «Չիվասում», հաղորդում է հայկական ակումբի պաշտոնական կայքը։
«Փյունիկում» փորձաշրջան է անցնում ռուսական «Ալանիա» ակումբի սան Բուրաեւ Ացամազը:
Հարձակվողը թիմին է միացել երեք օր առաջ եւ անցկացրել երկու մարզում: 24-ամյա ֆուտբոլիստի վերջին թիմը եղել է Վլադիվոստոկի «Լուչ Էներգիան»:
«Փյունիկում» փորձարկվող ֆուտբոլիստներից փորձաշրջան չեն անցել Արկադի Քալաջյանը, Մաքսիմ Լյալյովը եւ Պատրիկ Ալեքսանդրովիչը, ովքեր արդեն վերադարձել են տուն:
Հետևեք NEWS.am SPORT-ին Facebook-ում, Twitter և Telegram-ում