Երևանի «Արարատին» է միացել 21-ամյա կիսապաշտպան Գոռ Լուլուկյանը: Ֆուտբոլիստի և ակումբի միջև ստորագրվել է երկու տարվա պայմանագիր:
Գոռ Լուլուկյանը «Ուրարտուի» ակադեմիայի սան է: Այս ակումբի գլխավոր թիմում նա մասնակցել է Հայաստանի Բարձրագույն խմբի առաջնության 18 խաղի և դարձել է 2 գոլի հեղինակ: Նախորդ երկու մրցաշրջանները Լուլուկյանն անցկացրել է ԲԿՄԱ-ում, որի կազմում մասնակցել է 51 խաղի և դարձել է 5 գոլի հեղինակ:
Գոռ Լուլուկյանն «Արարատում» կխաղա 9 համարի մարզաշապիկով:
Հետևեք NEWS.am SPORT-ին Facebook-ում, Twitter և Telegram-ում