Ֆուտբոլ շատ եմ սիրում: Հետեւում եմ աշխարհի առաջնության բոլոր խաղերին: Երկրպագում եմ Բրազիլիայի հավաքականին: Կարծում եմ, որ Բրազիլիան էլ կդառնա աշխարհի չեմպիոն: Իսկ եզրափակիչում տեսնում եմ Բրազիլիային եւ Կոստա Ռիկային: Ցավում եմ, որ Հայաստանը չի կարողացել հաղթահարել աշխարհի առաջնության ընտրական փուլը: Կարծում էի, Հայաստանի հավաքականը կկարողանար հասնել աշխարհի առաջնության հիմնական փուլ: Վստահ եմ, որ Հայաստանի հավաքականը կխաղա աշխարհի առաջնության եզրափակիչ փուլում, եւ ես կերկրպագեմ միայն Հայաստանի հավաքականին:
Այս մասին NEWS.am Sport-ի թղթակցի հետ զրույցում ասաց պրոֆեսիոնալ բռնցքամարտի կանանց թեթեւագույն քաշային կարգում WBA վարկածով աշխարհի չեմպիոն Սյուզի Կենտիկյանը:
«Ֆուտբոլի երկրպագու եմ, սակայն էմոցիոնալ չեմ: Չեմ հասկանում այն մարդկանց, ովքեր էմոցիաներով են դիտում ֆուտբոլը, գոռում, թռչկոտում: Մտածում եմ` ինչ են մտածում այս մարդիկ, ինչու են գոռում ամեն գոլի ժամանակ: Ես էլ եմ ֆուտբոլի երկրպագու, բայց ես հանգիստ եմ նայում նույնիսկ իմ ամենասիրելի թիմերի խաղերը:
Աշխարհի առաջնությունում հանդիպում են ամենուժեղ թիմերը: Այստեղ չկա թույլ թիմ: Բոլոր հանդիպումներն էլ հետաքրքիր են, չկա ամենաուժեղ կամ թույլ խաղացող: Անկանխատեսելի է այս տարի յուրաքանչյուր խաղ: Կան թիմեր, որոնք շատ ուժեղ են, բայց թույլ խաղ են ցուցադրում, պարտվում: Այնպիսի պարտություններ են լինում, որ նույնիսկ չես էլ սպասում:
Ես երկրպագում եմ Բրազիլիայի հավաքականին: Եզրափակիչում տեսնում եմ Բրազիլիային: Իսկ թե ում հետ, դա անկանխատեսելի է: Կարծում եմ Կոստա Ռիկան դուրս կգա եզրափակիչ Բրազիլիայի հետ: Կոստա Ռիկան զարմանալի խաղ է ցուցադրում: Նաեւ շատ հավանում եմ Գերմանիայի հավաքականին: Նրանք էլ ուժեղ մրցակից են: Բայց չեմ կարծում, որ Գերմանիան կդառնա չեմպիոն: Գուցե, հասնի մինչեւ եզրափակիչ, բայց աշխարհի չեմպիոն, կդառնա Բրազիլիան:
Ինձ համար զարմանալի էր Իսպանիայի պարտությունը, Անգլիան էլ է ուժեղ թիմ, բայց նրանք էլ կորցրեցին իրենց հնարավորությունը: Ռուսաստանի համար աշխարհի առաջնությունը շատ բարդ է, բայց կուզենամ նրանք հաղթահարեն խմբային փուլը:
Շատ եմ ցավում Հայաստանի հավաքականի համար: Շատ կցանկանամ մեր հավաքականին տեսնել 2018 թվականի աշխարհի առաջնությունում: Այդ ժամանակ միայն ու միայն կերկրպագեմ Հայաստանին:
Բայց սա սպորտ է եւ սպորտում ամեն ինչ անկանխատեսելի է: Բռնցքամարտում էլ է այդպես: Չես կարող վստահ լինել, թե ինչ ուժ կցուցադրի հակառակորդդ եւ չես կարող վստահ կանխատեսել քո հաղթանակը, այնպես ինչպես չես կարող վստահ կանխատեսել, թե ով կդառնա ֆուտբոլի աշխարհի չեմպիոն: Ես ուզում եմ` Բրազիլիան հաղթի»,- ասաց Սյուզի Կենտիկյանը:
Լուսինե Շահբազյան
Հետևեք NEWS.am SPORT-ին Facebook-ում, Twitter և Telegram-ում
11:19 , 25 ապրիլի 
10:40 , 25 ապրիլի 
10:02 , 25 ապրիլի 
09:33 , 25 ապրիլի 
09:03 , 25 ապրիլի 
01:09 , 25 ապրիլի 
00:59 , 25 ապրիլի 
00:15 , 25 ապրիլի 
00:05 , 25 ապրիլի 
23:02 , 24 ապրիլի 
