Ռուսաստանի հավաքականի իտալացի գլխավոր մարզիչ Ֆաբիո Կապելոն խոսել է Բրազիլիայում կայացած ֆուտբոլի աշխարհի առաջնությունում ռուսների խնդիրների մասին:
«12 տարվա ընդմիջումից հետո մենք դարձյալ աշխարհի առաջնությունում էինք: Կարծում եմ՝ մեր անցկացրած նախապատրաստական փուլը շատ լավն էր: Ես զրուցել եմ աշխարհի առաջնությանը մասնակցած եւ հետեւած շատ մարզիչների ու մասնագետների հետ: Այս մրցաշարը տարբերվում էր մեծ արագությամբ, ագրեսիվությամբ ու պրեսինգով: Թիմերը տարածություն չէին տալիս միմյանց եւ խաղում էին կոմպակտ: Ես կոլեգաներիս ասացի, որ ռուսական ֆուտբոլում սովոր չեն այսպիսի արագությունների. դա խնդիրներ առաջացրեց մեզ համար»,- Կապելոյի խոսքը փոխանցում է «Р-Спорт»-ը:
Հիշեցնենք, որ ԱԱ-2014-ում ռուսները չհաղթահարեցին խմբային փուլի արգելքը՝ ոչ ոքի խաղալով Ալժիրի ու Հարավային Կորեայի հետ եւ պարտվելով բելգիացիներին:
Հետևեք NEWS.am SPORT-ին Facebook-ում, Twitter և Telegram-ում