Բաուրիրժան Տուրիսբեկ. Հայաստանի հավաքականի հետ ոչ ոքին օրինաչափ արդյունք էր

Ղազախստանի հավաքականի եւ «Կայրաթի» հարձակվող Բաուրիրժան Տուրիսբեկը ֆուտբոլի աշխարհի առաջնության ընտրական փուլի վերջին տուրի խաղում Հայաստանի թիմի հետ տնային ոչ ոքիից հետո պատմել է տպավորությունների մասին:

«Ստացվեց լավ հանդիպում: 2 թիմերն էլ ստեղծեցին գոլային պահեր: Գոլ խփել կարող էինք ինչպես մենք, այնպես էլ մրցակիցը: Մեր բաց թողած գոլն ազդեց խաղի արդյունքի վրա: Այդ գոլից հետո դուխաթափ չեղանք եւ շարունակում էինք գրոհել: Իհարկե, ցանկանում էինք հաղթել, բայց մի փոքր չհերիքեց:

Երկրորդ խաղակեսում դաշտ դուրս եկանք լավ տրամադրվածությամբ: Գլխավոր մարզիչն ընդմիջմանն ասաց, որ կան պահեր ու խաղի ընթացքը փոխելու շանսեր: Պետք էր խաղալ ավելի ագրեսիվ, ինչը մենք արեցինք: Կարծում եմ՝ կատարեցինք մարզիչի հրահանգները, բայց մի բան չհերիքեց հաղթանակի համար:

Կարծում եմ՝ ոչ ոքին օրինաչափ արդյունք էր: Եվ՛ մենք, եւ՛ Հայաստանի հավաքականն ունեցան գոլային պահեր: Հավասար խաղ էր»,- Տուրիսբեկի խոսքը մեջբերում է Ղազախստանի ֆուտբոլի ֆեդերացիայի կայքը:

Հիշեցնենք, որ Աստանայի «Աստանա Արենա» ստադիոնում կայացած խաղն ավարտվել էր 1:1 հաշվով: «Մանչեսթեր Յունայթեդի» կիսապաշտպան Հենրիխ Մխիթարյանի՝ առաջին խաղակեսում խփած գոլին ղազախներն ընդմիջումից հետո պատասխանել էին Բաուրիրժան Տուրիսբեկի դիպուկ հարվածով:

Հետևեք NEWS.am SPORT-ին Facebook-ում, Twitter և Telegram-ում