Աշխարհի առաջնություն. Հայաստանի բռնցքամարտիկների հաղթական մեկնարկը

Սոֆիայում ընթացող բռնցքամարտի աշխարհի երիտասարդական առաջնությունում հաղթանակով են մեկնարկել Հայաստանի ներկայացուցիչներ Արթուր Հովհաննիսյանն ու Արսեն Պողոսյանը:

49 կգ քաշային կարգում Արթուր Հովհաննիսյանը 3:0 հաշվով պարտության է մատնել հարավկորեացի Վոնհո Կիմին:

52 կգ քաշային Արսեն Պողոսյանն առաջին մենամարտում 3:0 հաշվով առավելության է հասել նիգերիացի Այանկոլա Օկեջիմիի նկատմամբ:

60 կգ քաշային կարգում հանդես եկող Ժորա Համազարյանը մեկնարկային փուլում ազատ կլինի, իսկ 1/16 եզրափակչում կմենամարտի ադրբեջանցի Օրքան Ալիեւի եւ սերբ Ֆլորան Սլաբո միջեւ մենամարտի հաղթողի հետ:

75 կգ քաշային կարգում հանդես եկող Գեւորգ Պետրոսյանը նույնպես առաջին փուլում ազատ կլինի: Նա պայքարի մեջ կմտնի ապրիլի 18-ին եւ կմենամարտի ադրբեջանցի Շամիլ Ալիեւ եւ Ճապոնիան ներկայացնող Ռեն Ումեմուռա զույգի հաղթողի հետ: 

81 կգ քաշային կարգում Նարեկ Մանասյանը ռինգ դուրս կգա ապրիլի 19-ին: Նարեկի առաջին մրցակիցը կլինի Վրաստանը ներկայացնող Ռաթի Տլաշաձեն:

91 կգ քաշային Սերյոժա Հակոբյանի առաջին մրցակիցը թուրք Մուհամեդ Այդինն է: Մենամարտը կկայանա ապրիլի 17-ին:

Նույն օրը ռինգ դուրս կգա նաեւ կանանց մրցաշարում Հայաստանի միակ ներկայացուցիչ Անուշ Գրիգորյանը, ով կմենամարտի Ավստրիալիան ներկայացնող Տրավերս Տիֆֆանիի հետ:

Հետևեք NEWS.am SPORT-ին Facebook-ում, Twitter և Telegram-ում