Ֆուտբոլի Ֆրանսիայի առաջնության 30-րդ տուրից հետաձգված խաղում «Մոնպելյեն» 3:1 հաշվով առավելության հասավ «Մարսելի» նկատմամբ:
Մարսելի «Վելոդրոմ» ստադիոնում կայացած խաղում դուբլի հեղինակ դարձավ «Մոնպելյեի» մարոկացի կիսապաշտպան Յունես Բելհանդան, մեկ անգամ էլ աչքի ընկավ ընթացիկ առաջնության լավագույն ռմբարկու Օլիվյե Ժիրուն: Ֆրանսիայի հավաքականի նորեկն իր գոլերի քանակը հասցրեց 19-ի: «Մարսելի» գոլն իր անվան դիմաց գրանցեց կամերունցի կիսապաշտպան Ստեֆան Մբիան:
Այս հաղթանակից հետո «Մոնպելյեն» վաստակեց 66 միավոր եւ միանձնյա գլխավորեց մրցաշարային աղյուսակը: Երկրորդ տեղում գտնվող ՊՍԺ-ն ունի 63 միավոր:
Ֆրանսիայի առաջնություն. 30-րդ տուր
«Մարսել» - «Մոնպելյե» - 1:3
Մբիա, 34 – Բելհանդա, 7 (11մ.), 70, Ժիրու 49
Հետևեք NEWS.am SPORT-ին Facebook-ում, Twitter և Telegram-ում