Սլովակիայի չեմպիոն «Սլովանը» հերքել է լուրերը, թե Հայաստանի հավաքականի հարձակվող Տիգրան Բարսեղյանն այս ամռանը հեռանալու է ակումբից եւ տեղափոխվելու է Կիպրոսի առաջնություն։
Բրատիսլավան ներկայացնող ակումբի ֆեյսբուքյան էջը հայտնում է, որ ակումբն այժմ բանակցում է Տիգրան Բարսեղյանի հետ համագործակցությունը երկարաձգելու նպատակով։
30-ամյա ֆուտբոլիստի գործող պայմանագիրը նախատեսված է մինչեւ դեկտեմբերի 31-ը։
Տիգրան Բարսեղյանն այժմ «Սլովանի» հետ մարզումային հավաքի է Ավստրիայում։
Transfermarkt-ը Տիգրան Բարսեղյանի տրանսֆերային արժեքը գնահատում է 1.70 միլիոն եվրո։
Հետևեք NEWS.am SPORT-ին Facebook-ում, Twitter և Telegram-ում