Սպերցյանը հավասարվեց Բարսեղյանին եւ Մանուչարյանին

Ռուսաստանի չեմպիոն «Կրասնոդարի» կիսապաշտպան Էդուարդ Սպերցյանը Հայաստանի ազգային հավաքականում գոլերի քանակով հավասարվեց Տիգրան Բարսեղյանին եւ Էդգար Մանուչարյանին։ Երեքն էլ խփել են 9 գոլ եւ բաժանում են 6-8-րդ տեղերը, հաղորդումէ ՀՖՖ-ի ֆեյսբուքյան էջը։ Սպերցյանը 34 հանդիպում է անցկացրել ազգային թիմում։

Չեռնոգորիայի հետ ընկերական խաղում Սպերցյանը դարձել էր դուբլի հեղինակ։ Հանդիպումն ավարտվել էր ոչ ոքի՝ 2:2: Մեկ գոլ էլ Սպերցյանը խփել էր Կոսովոյի հետ ընկերական խաղում։ Հայաստանի թիմը պարտվել էր 2:5 հաշվով։

Եվս երկու գոլ խփելու դեպքում՝ Սպերցյանը կհավասարվի 4-5-րդ տեղերը կիսող Մարկոս Պիզելիին եւ Արթուր Պետրոսյանին։ Ռեկորդակիրը Հենրիխ Մխիթարյանն է՝ 32 գոլ։ 2-3-րդ տեղերը կիսում են 14-ական գոլ խփած Յուրա Մովսիսյանն ու Գեւորգ Ղազարյանը։

Հետևեք NEWS.am SPORT-ին Facebook-ում, Twitter և Telegram-ում