Մոսկվայում ինձ կերկրպագեն բազմաթիվ հայեր, ասել է երկրորդ թեթեւագույնքաշային կարգում աշխարհի նախկին չեմպիոն Վիկ Դարչինյանը:
«Հայաստանը մոտ է գտնվում Ռուսաստանին: Մոսկվայում բնակվում են մեծ թվով հայեր: Երբ ես գալիս եմ Մոսկվա, մենք 200 հոգանոց խնջույքներ ենք կազմակերպում: Համոզված եմ, որ եթե մենամարտը կայանա 10 հազար հոգանոց մարզադահլիճում, ապա բոլորն ինձ կերկրպագեն»,- Դարչինյանի խոսքը մեջբերում է BoxKO.ru-ն:
Ալեքսանդր Բահտին – Վիկ Դարչինյան մենամարտը կարող է կայանալ Մոսկվայում դեկտեմբերին` WBA վարկածով առաջին ծանրքաշային կարգում աշխարհի չեմպիոնի տիտղոսի համար Դենիս Լեբեդեւ – Գիլերմո Ջոնս մենամարտից առաջ:
Հետևեք NEWS.am SPORT-ին Facebook-ում, Twitter և Telegram-ում