Ֆրանսիացի պաշտպան Պատրիս Էվրան երկարաժամկետ պայմանագիր է կնքել անգլիական «Վեստ Հեմի» հետ, հաղորդում է ակումբի մամուլի ծառայությունը:
«Երջանիկ եմ վերադառնալ Պրեմյեր լիգա: Շնորհակալ եմ ակումբին այս հնարավորության համար եւ պատրաստ եմ կատարել իմ աշխատանքը»,- Էվրայի խոսքը մեջբերում է «Վեստ Հեմի» թվիթերյան էջը:
36-ամյա ֆուտբոլիստը նախկինում հանդես է եկել «Մոնակոյում», «Մանչեսթեր Յունայթեդում», «Յուվենտուսում» եւ «Մարսելում»:
Նոյեմբերին ՈւԵՖԱ-ն որակազրկել էր Էվրային պորտուգալական «Վիտորիա Գիմարայեշի» դեմ Եվրոպայի լիգայի խաղից առաջ «Մարսելի» երկրպագուի գլխին ոտքով հարվածելու համար: Էվրան կարմիր քարտ էր ստացել մինչեւ հանդիպման մեկնարկը:
ՈւԵՖԱ-ի որակազրկումը վերաբերում է եվրագավային հանդիպումներին մինչեւ 2018թ. հունիսի 30-ը: Ֆուտբոլիստը տուգանվել է 10 հազար եվրոյով, «Մարսելը»՝ 25 հազար եվրոյով:
Դրանից հետո ֆրանսիական ակումբը խզել էր Էվրայի պայմանագիրը:
Ֆոտո՝ twitter.com/WestHamUtd
Հետևեք NEWS.am SPORT-ին Facebook-ում, Twitter և Telegram-ում