ՊՍԺ-ի արգենտինացի կիսապաշտպան Անխել Դի Մարիան, Ֆրանսիայի գավաթի խաղարկության 1/8 եզրափակիչի խաղում 3 գնդակ ուղարկելով «Սոշոյի» դարպասը, հեթ-տրիկի հեղինակ է դարձել 8 տարվա դադարից հետո:
Նախորդ անգամ 29-ամյա Դի Մարիան հեթ-տրիկ ձեւակերպել էր 2010 թվականի փետրվարին, երբ Լիսաբոնի «Բենֆիկայի» կազմում 3 գնդակ էր ուղարկել «Լեյշոեշի» դարպասը, գրում է Opta-ն:
2010-ին «Բենֆիկայից» հեռանալուց հետո արգենտինացին հանդես է եկել նաեւ Մադրիդի «Ռեալում» ու անգլիական «Մանչեսթեր Յունայթեդում»:
Հիշեցնենք, որ այդ խաղում ՊՍԺ-ն արտագնա հաղթնաակ էր տարել 4:1 հաշվով եւ դուրս եկել քառորդ եզրափակիչ, իսկ Դի Մարիան աչքի էր ընկել առաջին, 58-րդ եւ 62-րդ րոպեներին:
Ֆոտո՝ https://twitter.com/psg_inside
Հետևեք NEWS.am SPORT-ին Facebook-ում, Twitter և Telegram-ում