Ֆուտբոլի Հայաստանի հավաքականի ավագ Հենրիխ Մխիթարյանը լեհերի դեմ աշխարհի առաջնության ընտրական հանդիպումից առաջ Երեւանի «Հանրապետական» ստադիոնի հանդերձարանների մոտ հանդիպել է իր նախկին ակումբակիցներ Յակուբ Բլաշչիկովսկուն ու Լուկաշ Պիշչեկին:
Անգլիական «Մանչեսթեր Յունայթեդի» կիսապաշտպանը լեհ ֆուտբոլիստների հետ խաղացել է Դորտմունդի «Բորուսիայում»:
Հանդիպման նախախաղային ասուլիսում Հենրիխ Մխիթարյանը հայտնել էր, որ հնարավորության դեպքում Լեհաստանի հավաքականի դեմ խաղից հետո կհանդիպի եւ կզրուցի իր նախկին ակումբակիցներ Ռոբերտ Լեւանդովսկու, Յակուբ Բլաշիկովսկու ու Լուկաշ Պիշչեկի հետ:
Հայաստան - Լեհաստան հանդիպումը կանցկացվի հոկտեմբերի 5-ին Վազգեն Սարգսյանի անվան «Հանրապետական» ստադիոնում եւ կսկսվի ժամը 20:00-ին:
Հետևեք NEWS.am SPORT-ին Facebook-ում, Twitter և Telegram-ում