Մաքսիմ Մանուկյանը զրկվեց Ռիո դե Ժանեյրոյում շարունակվող ամառային Օլիմպիական խաղերի հունահռոմեական ոճի ըմբշամարտի 85 կգ քաշային կարգում բրոնզե մեդալի համար պայքարելու հնարավորությունից:
Որակավորման փուլում 28-ամյա ըմբիշը 0:3 հաշվով պարտվել էր հունգարացի Վիկտոր Լյորինցին: Եթե հունգարացին դուրս գար եզրափակիչ, Մաքսիմ Մանուկյանը հնարավորություն կստանար պայքարել բրոնզե մեդալի համար: Սակայն 2 հաղթանակ տանելուց հետո Լյորինցը կիսաեզրափակիչում պարտվեց ռուսաստանցի Դավիդ Չակվետաձեին, իսկ Մաքսիմ Մանուկյանը լքեց պայքարը: Եզրափակիչում Դավիդ Չակվետաձեի մրցակիցը կլինի աշխարհի գործող չեմպիոն, ուկրաինացի Ժան Բելանյուկը:
130 կգ քաշայինների որակավորման փուլում Բրազիլիան ներկայացնող Էդուարդ Սողոմոնյանին հաղթած վրացի Լակոբի Կախալան մեկ հաղթանակ տանելուց հետո պարտվել է 1/4 եզրափակիչում, ինչից հետո հայ ըմբիշը զրկվել է բրոնզե մեդալի համար պայքարելու հնարավորությունից:
Հիշեցնենք, որ հունահռոմեական ոճի ըմբշամարտի մրցաշարում Հայաստանի առաջին ներկայացուցիչ, Լոնդոնի 2012թ. Օլիմպիական խաղերի փոխչեմպիոն Արսեն Ջուլֆալակյանը պայքարի մեջ էր մտել օգոստոսի 14-ին եւ 75 կգ քաշայինների մեկնարկային գոտեմարտում պարտվել էր Բուլղարիայի ներկայացուցիչ Դանիել Ալեքսանդրովին, որն էլ պարտություն էր կրել հաջորդ փուլում:
Հունահռոմեական ոճի ըմբշամարտի Հայաստանի թիմի կազմում Ռիո են մեկնել նաեւ Միհրան Հարությունյանը (66 կգ) եւ Արթուր Ալեքսանյանը (98 կգ), որոնք մեդալների համար կպայքարեն օգոստոսի 16-ին:
Հետևեք NEWS.am SPORT-ին Facebook-ում, Twitter և Telegram-ում
02:04 , 19 ապրիլի 
01:55 , 19 ապրիլի 
01:52 , 19 ապրիլի 
01:10 , 19 ապրիլի 
01:02 , 19 ապրիլի 
23:59 , 18 ապրիլի 
23:46 , 18 ապրիլի 
23:25 , 18 ապրիլի 
22:48 , 18 ապրիլի 
21:57 , 18 ապրիլի 
