18:10  ,  8 հոկտեմբերի, 2015

Աշխարհի առաջնություն. Հովհաննես Բաչկովի երկրորդ հաղթանակը

Դոհայում ընթացող բռնցքամարտի աշխարհի առաջնությունում Հայաստանի ներկայացուցիչ Հովհաննես Բաչկովը դուրս եկավ քառորդ եզրափակիչ: 64 կգ քաշայինների 1/8 եզրափակիչում նա 3:0 հաշվով հաղթեց Թուրքմենստանը ներկայացնող Ազիզ Բեբիտովին:

Քառորդ եզրափակիչում Հովհաննես Բաչկովը կմրցի կուբացի Տոլեդո Լոպեսի հետ: Մենամարտը տեղի կունենա հոկտեմբերի 10-ին:

Առաջին մենամարտում Բաչկովը 3։0 հաշվով պարտության էր մատնել հարավկորեացի Հյունչուլ Լիմին։

Այս քաշային կարգում վիճարկվում է երեք օլիմպիական ուղեգիր:

Հետևեք NEWS.am SPORT-ին Facebook-ում, Twitter և Telegram-ում