Բռնցքամարտի տղամարդկանց Հայաստանի հավաքականը հոկտեմբերի 2-ին կմեկնի Քաթարի մայրաքաղաք Դոհա` մասնակցելու հոկտեմբերի 5-15-ը կայանալիք աշխարհի առաջնությանը։ Եվրոպայից մասնակցելու իրավունք ունեն Եվրոպական խաղերի մեդալակիրներն ու Բուլղարիայում տեղի ունեցած Եվրոպայի առաջնությունում 1-6-րդ տեղերը գրաված մարզիկները:
Դոհայում Հայաստանը կներկայացնեն 52 կգ քաշային Կորյուն Սողոմոնյանը, 2015թ. Եվրոպայի բրոնզե մեդալակիր, 56 կգ քաշային Արամ Ավագյանը եւ 64 կգ քաշային Հովհաննես Բաչկովը:
Աշխարհի առաջնությունում երկու օլիմպիական ուղեգրեր կվիճարկվեն 52 կգ քաշային կարգում, եւս երեքական ուղեգրեր կվիճարկեն 56 եւ 64 կգ քաշայինները:
Հետևեք NEWS.am SPORT-ին Facebook-ում, Twitter և Telegram-ում