Մենք դիմել ենք միջազգային ֆեդերացիային, որպեսզի հաջորդ տարվա մեծահասակների Եվրոպայի առաջնությունը Երեւանում անցկացնելու հնարավորություն տան:
Այդ մասին մարտի 28-ին կայացած մամուլի ասուլիսի ժամանակ ասաց Հայաստանի բռնցքամարտի ֆեդերացիայի նախագահ Արթուր Գեւորգյանը:
«Ապրիլի 24-ին մեծահասակները մեկնում են միջազգային երկու մրցաշարի: Մի մասը կմասնակցեն Մոնտենեգրոյում կայանալիք միջազգային մրցաշարի, մյուս մասը՝ Բելգրադում:
Ունենք մի շարք ընկերական հանդիպումներ Վրսատանի բռնցքամարտիկների հետ: Իրանն է ցանկություն հայտնել հունիսին Երեւանում հանդիպումներ անցկացնել:
Ես բռնցքամարտում երկար տարիների փորձ ունեմ: Շատ դեպքերում անձամբ եմ շփվում տղաների հետ: Մեծամասամբ մասնակցում եմ իրենց մարզումներին: Փորձում եմ օգնել, հոգեբանորեն պատրաստել:
Մենք երկրում ունենք սպորտային հոգեբանի կարիք: Ռինգ մտնելու տագնապը բառերով նկարագրել անհնար է: Սա ծանրաձող չի, դու գործ ունես մարդու հետ՝ քո անմիջական մրցակցի հետ:
Բռնցքամարտը գնալով մոտենում է իր ակունքներին: AIBA-ում հասկացան, որ սիրողական բռնցքամարտը ապագա չունի: Եվ բռնցքամարտը տանում են դեպքի պրոֆեսիոնալ:
Մենք դիմել ենք միջազգային ֆեդերացիային, որպեսզի հաջորդ տարվա մեծահասակների Եվրոպայի առաջնությունը Երեւանում անցկացնելու հնարավորություն տան:
Եթե դա չստացվի, ապա կանցկացնենք Օլիմպիական վարկանիշային մեկ մրցաշար: Եթե AIBA-ն հաստատի, ապա այդ մրցաշարը կլինի Վլադիմիր Ենգիբարյանի հուշամրցաշարը:
Ինչ վերաբերում է Եվրոպայի եռակի չեմպիոն Ալեքս Միսկիրտչյանի մենամարտը Հայաստանում անցկացնելուն՝ դեռ որոշման փուլում է, խնդիրներ կան»,- ասաց Գեւորգյանը:
Խոսելով բռնցքամարտիկ Արամ Ավագյանի մասին, ով չէր մասնակցել Հայաստանի առաջնությանը, սակայն համալրել է հավաքականը՝ Գեւորգյանն ասաց.
«Արամ Ավագյանը եւ նրա մարզիչ Կարեն Աղամալյանը եկան ֆեդերացիա եւ խնդրեցին, որ Արամին ընդգրկենք հավաքական: Նա կմասնակցի մարզումներին, հավաքներին, նաեւ միջազգային մրցումներին, բայց նա առաջին համարը չէ: Մենք այդ քաշային կարգում ունենք հաղթող, ունենք երկրորդ մրցանակակիր, նրանցից հետո միայն Արամ Ավագյանն է, չնայած ես չեմ բացառում, որ Արամը նրանցից ուժեղ կարող է լինել»,- եզրափակեց Գեւորգյանը:
Շուշանիկ Հակոբյան
Հետևեք NEWS.am SPORT-ին Facebook-ում, Twitter և Telegram-ում
21:02 , 26 ապրիլի 
20:43 , 26 ապրիլի 
19:38 , 26 ապրիլի 
19:00 , 26 ապրիլի 
18:01 , 26 ապրիլի 
17:05 , 26 ապրիլի 
16:06 , 26 ապրիլի 
15:26 , 26 ապրիլի 
14:52 , 26 ապրիլի 
14:03 , 26 ապրիլի 
