Մխիթարյանը կատարեց մեծ ծավալի աշխատանք, ասել է Դորտմունդի «Բորուսիայի» մարզական տնօրեն Միխայել Ցորկը, ով մեկնաբանել է ֆուտբոլի Գերմանիայի գավաթի խաղարկության քառորդ եզրափակիչում Ֆրանկֆուրտի «Այնտրախտի» նկատմամբ տարած հաղթանակը՝ խոսելով նաեւ Հայաստանի հավաքականի կիսապաշտպան Հենրիխ Մխիթարյանի մասին:
«Շատ ուրախ ենք, որ կարողացանք հաղթել: Շատ բարդ հանդիպում ստացվեց: Մեր թիմի խաղը լավ տպավորություն թողեց: Մեկնարկային 45 րոպեներին ունեցանք շատ գոլային պահեր, իսկ երկրորդ խաղակեսի սկզբնամասում այնքան էլ լավ հանդես չեկանք, սակայն կարողացանք հաղթանակ կորզել:
Օբամեյանգն աստիճանաբար վարպետանում է կարեւոր գոլեր խփելու հարցում: Շատ լավ խաղաց Հենրիխ Մխիթարյանը: Նա կատարեց մեծ ծավալի աշխատանք եւ շատ օգտակար էր խաղը կառուցելու առումով»,- Ցորկի խոսքը մեջբերում է «Բորուսիայի» կայքը:
Հիշեցնենք, որ Ֆրանկֆուրտում Մխիթարյանը «Բորոււսիայի» մեկնարկային կազմում խաղաց 89 րոպե: Հենց նրա իրացրած անկյունային հարվածից հետո գաբոնցի կհարձակվող Պյեր-Էմերիկ Օբամեյանգը խփեց խաղի միակ գնդակը:
Հետևեք NEWS.am SPORT-ին Facebook-ում, Twitter և Telegram-ում