Աշխարհի առաջնություն. Արամ Ավագյանը դուրս մնաց պայքարից

Հայաստանի ներկայացուցիչ Արամ Ավագյանը Ղազախստանում անցկացվող բռնցքամարտի աշխարհի առաջնության 1/8 եզրափակիչում մենամարտեց կուբացի Ռոբեյսի Կարազանայի հետ։ 56 կգ քաշային Արամ Ավագյանն աշխարհի գործող չեմպիոնին պարտվեց 0։3 հաշվով եւ ավարտեց պայքարը։

Հիշեցնենք, որ երկրորդ մենամարտում Արամ Ավագյանը 3:0 հաշվով վստահ հաղթանակ էր տարել իտալացի Ջենհին Պարինելոյի նկատմամբ, իսկ 1/32 եզրափակիչում հայ բռնցքամարտիկը 3։0 հաշվով հաղթել էր իսրայելցի Արտյոմ Մասիլին: 

Հոկտեմբերի 22-ին քառորդ եզրափակիչի ուղեգրի համար 52 կգ քաշային Նարեկ Աբգարյանը կմրցի ուզբեկ Լատիպովի հետ, իսկ 69 կգ քաշային Արամ Ամիրխանյանի մրցակիցը կլինի մեքսիկացի Կաբրեան: 

Հետևեք NEWS.am SPORT-ին Facebook-ում, Twitter և Telegram-ում