17:15  ,  17 ապրիլի, 2012

Սնեյդերը մարզվում է «Ինտերի» ընդհանուր խմբի հետ

Միլանյան «Ինտերի» առաջատար կիսապաշտպան Ուեսլի Սնեյդերն ապաքինվել է վնասվածքից եւ մարզվում է թիմի ընդհանուր խմբի հետ, հաղորդում է Football Italia-ն։

27-ամյա ֆուտբոլիստը վնասվածք էր ստացել Չեմպիոնների լիգայի 1/8 եզրափակիչի՝ ֆրանսիական «Մարսելի» հետ խաղում եւ մեկ ամսից ավելի բացակայում էր ֆուտբոլային խաղադաշտից։

Այսօր՝ ապրիլի 17-ին, հոլանդացին առաջին լիարժեք մարզումն է անցկացրել վնասվածքից հետո։

Ամենայն հավանականությամբ, Սնեյդերը կհայտավորվի Իտալիայի առաջնության 34-րդ տուրի՝ «Ֆիորենտինայի» հետ հանդիպմանը։

Հետևեք NEWS.am SPORT-ին Facebook-ում, Twitter և Telegram-ում

Տպել    |  In English