11:46  ,  25 հուլիսի, 2013

Հումելս. «Բավարիան» աշխարհի լավագույն թիմն է, սակայն պատրաստվում ենք հաղթել

«Բավարիայի» նկատմամբ տարած հաղթանակը մրցաշրջանի հիանալի մեկնարկ կլինի, հայտարարել է Դորտմունդի «Բորուսիայի» եւ Գերմանիայի հավաքականի պաշտպան Մատս Հումելսը՝ խոսելով Մյունխենի «Բավարիայի» դեմ Գերմանիայի Սուպերգավաթի խաղի մասին։

«Ցանկանում ենք գերազանցել աշխարհի լավագույն թիմերից մեկին։ Հնարավոր է՝ «Բավարիան» աշխարհի լավագույն թիմն է, սակայն պատրաստվում ենք հաղթել։ Դա է մեր նպատակը եւ մոտիվացումը»,- Հումելսի խոսքը մեջբերում է Goal.com-ը։

Հիշեցնենք, որ վնասվածքի պատճառով հանդիպմանը չեն մասնակցի «Բորուսիայի» լեհ պաշտպան Լուկաշ Պիշչեկը եւ Հայաստանի հավաքականի կիսապաշտպան Հենրիխ Մխիթարյանը։

«Բորուսիա» - «Բավարիա» հանդիպումը տեղի կունենա հուլիսի 27-ին։ 

Հետևեք NEWS.am SPORT-ին Facebook-ում, Twitter և Telegram-ում


  • Լրահոս