Ցավալի է, որ Մխիթարյանը վնասվածք է ստացել, հայտարարել է Դորտմունդի «Բորուսիայի» մարզական տնօրեն Միխայել Ցորկը՝ մեկնաբանելով Հայաստանի հավաքականի կիսապաշտպան Հենրիխ Մխիթարյանի վնասվածքը։
«Թիմում բոլորը տխրել են։ Սակայն մեզ հայտնի է այն ժամանակահատվածը, որի ընթացքում Հենրիխը չի կարող օգնել թիմին։ Լավ է, որ վնասվածքից առաջ Միկին բավականաչափ ժամանակ ուներ «Բորուսիայում» հարմարվելու համար»,- Ցորկի խոսքը մեջբերում է spox.com-ը։
Հիշեցնենք, որ «Լուցերնի» դեմ խաղում սրունքաթաթային հոդի վնասվածք ստացած Հենրիխ Մխիթարյանի ապաքինման համար կպահանջվի 4 շաբաթ։
Հետևեք NEWS.am SPORT-ին Facebook-ում, Twitter և Telegram-ում