17:13  ,  17 նոյեմբերի, 2026

31-ամյա բռնցքամարտիկը մահացել է 3 ամիս կոմայում լինելուց հետո

Իռլանդիայի հնգակի չեմպիոն, 31-ամյա բռնցքամարտիկ, առաջին կիսամիջի քաշային Լի Ռիվզը մահացել է 3 ամիս արհեստական կոմայում լինելուց հետո, հաղորդում է Queensberry Promotions պրոմոուտերական ընկերության մամուլի ծառայությունը։

Այս տարվա օգոստոսի 1-ին Դուբլինում Ռիվզը իռլանդացի Գերի Կալիի հետ տիտղոսային մենամարտում նոկաուտի էր ենթարկվել 10-րդ ռաունդում։

Ռիվզը ռինգում կորցրել էր գիտակցությունը։ Նա գլխուղեղի վիրահատության էր ենթարկվել։

Պրոֆեսիոնալ կարիերայում Լի Ռիվզն անցկացրել էր 18 մենամարտ, տարել 16 հաղթանակ, կրել 2 պարտություն։

Հետևեք NEWS.am SPORT-ին Facebook-ում, Twitter և Telegram-ում

Print