Ֆուտբոլի Գերմանիայի առաջնության 30-րդ տուրում մրցաշարային աղյուսակը գլխավորող Դորտմունդի «Բորուսիան» սեփական խաղադաշտում նվազագույն հաշվով հաղթեց երկրորդ տեղում գտնվող Մյունխենի «Բավարիային»:
Հաղթական գնդակը խաղի ավարտից 13 րոպե առաջ խփեց Լեհաստանի հավաքականի հարձակվող Ռոբերտ Լեւանդովսկին: Հանդիպման վերջնամասում դորտմունդիցիների դարպասին նշանակվեց 11 մետրանոց, սակայն Արյեն Ռոբենի հարվածը հետ մղեց «Բորուսիայի» դարպասապահ Ռոման Վայդերֆելերը:
«Բորուսիան» պատմության մեջ առաջին անգամ չորս անընդմեջ հաղթանակ է տանում «Բավարիայի» նկատմամբ:
Առաջնության ավարտից չորս տուր առաջ դորտմունդցիները վեց միավոր գերազանցում է «Բավարիային»:
Գերմանիայի առաջնություն. 30-րդ տուր
«Բորուսիա Դ.» - «Բավարիա»՝ 1:0
Լեւանդովսկի, 77
«Նյուրնբերգ» - «Շալկե»՝ 4:1
Բալիչ, 25, Սիմոնս, 37 (11մ.), Դիդավի, 45, 87 – Հոլթբի, 85
«Հանովեր» - «Վոլֆսբուրգ»՝ 2:0
Դիուֆ, 44, Յա Կոնան, 77
«Բայեր» - «Կայզերսլաուտերն»՝ 3:1
Կիսլինգ, 1, Ռոլֆես, 57, Ռայնհարտց, 69 – Դերշտրոֆ, 42
«Հոֆենհայմ» - «Համբուրգ»՝ 4:0
Վեստերգոգ, 17, Սալիհովիչ, 25 (11մ.), Ջոնսոն, 51, Շիլոկ, 59
Հետևեք NEWS.am SPORT-ին Facebook-ում, Twitter և Telegram-ում