WBC վարկածով թեթեւագույն քաշային կարգի չեմպիոն Շինսուկե Յամանական Վիկ Դարչինյանի հետ մենամարտում պահպանեց չեմպիոնական գոտին։ Տոկիոյում կայացած 12 ռաունդանոց մարտից հետո 29-ամյա ճապոնացի բռնցքամարտիկը կիսվել է տպավորություններով։
«Մինչեւ մենամարտը ես տակտիկա էին մշակել, եւ հանդես եկա այդ մարտավարությամբ։ Իմ հարվածները հասան իրենց նպատակին։ Ես գիտեի, որ Դարչինյանը չի կարող ամբողջ մենամարտի ընթացքում ագրեսիվ գործողություններով աչքի ընկնել։
5-րդ ռաունդում ձախ ձեռքի հարվածով Դարչինյանի ունքը պատռելուց հետո հասկացա, որ նա չի կարող հաղթել այս մենամարտում։ 12-րդ ռաունդում ես գրեթե նոկուտի ենթարկեցի նրան։ Վիկի տակտիկան դավաճանեց իրեն։ Նա չէր սպասում, որ ես այսքան դիմացկուն եմ եւ կարող եմ հաղթել։ Դարչինյանը լավ չէր ուսումնասիրել իմ մարտավարությունը։ 2011-ին ես նմանատիպ չեմպիոնական մենամարտ անցկացրեցի՝ հաղթելով մեքսիկացի Կրիստիան Էսկիվելին»,- Յամանակայի խոսքը մեջբերում է Yahoo sports-ը։
Հետևեք NEWS.am SPORT-ին Facebook-ում, Twitter և Telegram-ում
12:02 , 21 նոյեմբերի
11:30 , 21 նոյեմբերի
09:06 , 21 նոյեմբերի
01:35 , 21 նոյեմբերի
01:26 , 21 նոյեմբերի 
00:20 , 21 նոյեմբերի
23:29 , 20 նոյեմբերի
22:19 , 20 նոյեմբերի 
21:03 , 20 նոյեմբերի
20:34 , 20 նոյեմբերի