Ռոբերտ Շտիգլիցը դեռ չի տեսել Արթուր Աբրահամի լավագույն տարբերակը, հայտարարել է սուպերմիջին քաշային կարգում WBO վարկածով աշխարհի չեմպիոն Արթուր Աբրահամը (36-3, 28 նոկաուտ): Մարտի 23-ին Գերմանիայի Մագդեբուրգ քաղաքում կայանալիք ռեւանշ մենամարտի մասին խոսել է Արթուր Աբրահամը, փոխանցում է vringe.com-ը:
«Շտիգլիցը դեռ չի տեսել Արթուր Աբրահամի լավագույն տարբերակը, իսկ նա արդեն ցուցադրել է իր բոլոր հնարավորությունները: Ես ուղերձ ունեմ նրան. զգուշացիր, քանի որ մեր ռեւանշը շատ ավելի բարդ է լինելու, քան առաջին մենամարտը: Ես ոչ թե տքնաջան մարզվում եմ, այլ` մարզադահլիճում պարզապես տանջում եմ ինձ, եւ դա ինձ դուր է գալիս: Մեկ անգամ ես արդեն ծեծել եմ Ռոբերտին եւ դրա հիման վրա կարող եմ ասել, որ կարող եմ կրկնել անցածը: Նա այլ կերպ չի կարող մենամարտել, բայց ես նրան չեմ թերագնահատում: Շիգլիցը հենց այնպես չի եղել աշխարհի չեմպիոն, մի քանի անգամ հաջողությամբ պաշտպանել է տիտղոսը, մինչեւ ես կզրկեին նրան չեմպիոնությունից: Նա նախկինի նման ունի ամբիցիաներ եւ ինձ հաղթելու ցանկություն»,- ասել է Արթուր Աբրահամը:
Հետևեք NEWS.am SPORT-ին Facebook-ում, Twitter և Telegram-ում
11:17 , 3 հոկտեմբերի 
09:07 , 3 հոկտեմբերի 
00:39 , 3 հոկտեմբերի 
23:52 , 2 հոկտեմբերի 
22:51 , 2 հոկտեմբերի 
21:53 , 2 հոկտեմբերի 
20:48 , 2 հոկտեմբերի 
20:13 , 2 հոկտեմբերի 
20:06 , 2 հոկտեմբերի 
19:19 , 2 հոկտեմբերի 
