«Արարատ-Արմենիան» հաղթեց վրացական «Թելավիին»

«Արարատ-Արմենիան» հաղթանակով ավարտեց մարզական հավաքը Թբիլիսիում։

Երեւանյան թիմի նորանշանակ գլխավոր մարզիչ, պորտուգալացի Տուլիպայի ղեկավարությամբ 4:2 հաշվով առավելության հասավ վրացական «Թելավիի» նկատմամբ։

Երեւանյան ակումբից գոլերը խփեցին Ժոաու Լիման, Մեթյու Գբոմադուն, Միսակ Հակոբյանը եւ Էդգար Գրիգորյանը։

Վրաստանում «Արարատ-Արմենիան» 1:0 հաշվով հաղթել էր նաեւ «Կոլխեթի 1913 Փոթի» թիմին, 0:0 հաշվով էր խաղացել Թբիլիսիի «Դինամոյի» հետ։

«Արարատ-Արմենիան» պայքարը Կոնֆերենցիաների լիգայում կսկսի որակավորման երկրորդ փուլից եւ կմրցի ռումինական «Ունիվերսիտատեա Կլուժի» հետ:

Առաջին հանդիպումը տեղի կունենա հուլիսի 24-ին, պատասխան հանդիպումը՝ հուլիսի 31-ին:

Հետևեք NEWS.am SPORT-ին Facebook-ում, Twitter և Telegram-ում