Հայաստանի բռնցքամարտիկների մարզումը Տոկիոյում (ֆոտո)

Հայաստանի հավաքականի բռնցքամարտիկներ Հովհաննես Բաչկովը (63 կգ), Կորյուն Սողոմոնյանն (52 կգ) ու Արման Դարչինյանն (75 կգ) առաջին մարզումներն են անցկացրել օլիմպիական մայրաքաղաք Տոկիոյում։ ՀԲՖ-ն ներկայացրել է լուսանկարներ մարզումից։

Վիճակահանությամբ՝ Արման Դարչինյանը օլիմպիական մրցաշարում պայքարը կսկսի 1/8 եզրափակիչից՝ մրցելով Սլովակիայի ներկայացուցիչ Անդրեյ Շեմեզի և Տրինիդադը ներկայացնող Պրինց Արոն Սոլոմոյի մենամարտի հաղթողի հետ։ Մենամարտը տեղի կունենա հուլիսի 29-ին։

Կորյուն Սողոմյանը հուլիսի 26-ին կմենամարտի Անգլիան ներկայացնող Ջալալ Յաֆայի հետ։

Հովհաննես Բաչկովն հուլիսի 25-ին ռինգ դուրս կգա Անտիգուան ներկայացնող Ռայան Ալստոնի դեմ։

Խաղերի բացման արարողությունը տեղի կունենա հուլիսի 23–ին եւ կմեկնարկի Երեւանի ժամանակով 15։00–ին։

Հետևեք NEWS.am SPORT-ին Facebook-ում, Twitter և Telegram-ում