GOAL! Netherlands 0-2 Czech Republic (Schick 80'). #EURO2020 | #CZE pic.twitter.com/GaTLzZ5JAz
— UEFA EURO 2020 (@EURO2020) June 27, 2021
Եվրո-2020-ի 1/8 եզրափակիչում Նիդերլանդների հավաքականը Հունգարիայի մայրաքաղաք Բուդապեշտում մրցեց չեխերի հետ եւ պարտություն կրեց 0։2 հաշվով։
Առաջին խաղակեսում որոշակի առավելություն ունեին Ֆրանկ Դե Բուրի գլխավորած թիմի ֆուտբոլիստները, սակայն չեխերը հստակ պաշտպանվում էին եւ դարպասի գրավում մինչեւ ընդմիջումից չգրանցվեց։
Who's on top?#EURO2020 pic.twitter.com/qyUf5D5GmT
— UEFA EURO 2020 (@EURO2020) June 27, 2021
55-րդ րոպեից Նիդերլանդների հավաքականը խաղում էր 10 ֆուտբոլիստներով։ «Յուվենտուսի» պաշտպան Մատեյս Դե Լիգտը տանուլ տվեց պայքարը եւ սեփական տուգանային հրապարակի մոտ ձեռքով բռնեց գնդակը՝ չեխերի հարձակվող Պատրիկ Շիկին զրկելով դարպասի դիմաց հարվածային դիրք դուրս գալու հնարավորությունից։ Մրցավարը VAR-ի եզրակացությունից հետո կարմիր քարտ ցույց տվեց Դե Լիգտին դիտավորյալ ձեռքով խաղի համար։
Չեխերը թվային առավելությունը գոլի վերածեցին 68-րդ րոպեին։ Անգլիական «Բրիստոլ Սիթի» պաշտպան Թոմաշ Կալաշի փոխանցումից հետո աչքի ընկավ չեխական «Սլավիայի» կիսապաշտպան Թոմաշ Հոլեշը։
What a moment for Holeš & the Czech Republic!#EURO2020 pic.twitter.com/3aYPy4e8OA
— UEFA EURO 2020 (@EURO2020) June 27, 2021
80-րդ րոպեին Յարոսլավ Շիլհավիի գլխավորած թիմի առավելությունը կրկնապատկեց Լեւերկուզենի «Բայերի» հարձակվող Պատրիկ Շիկը, որին գոլային փոխանցում կատարեց Թոմաշ Հոլեշը։ Այս մրցաշարում չեխերի 5 գոլերից 4-ը խփել է Շիկը, որը Եվրո-2020-ի լավագույն ռմբարկուների մրցավազքում հետ է միայն պորտուգալացի Կրիշտիանու Ռոնալդուից՝ 5 գոլ։
Patrik Schick has now scored 4 of the Czech Republic's 5 goals at EURO 2020 #EURO2020 pic.twitter.com/ZEYQStC4Ix
— UEFA EURO 2020 (@EURO2020) June 27, 2021
Քառորդ եզրափակիչում Չեխիայի մրցակիցը կլինի Դանիան, որը 4։0 հաշվով հաղթել էր Ուելսին։
Եվրո-2020, 1/8 եզրափակիչ
Նիդերլանդներ - Չեխիա՝ 0։2 (տեսանյութ), (Բուդապեշտ)
Թոմաշ Հոլեշ, 68, Պատրիկ Շիկ, 80
Հեռացում՝ Մատեյս Դե Լիգտ (Նիդերլանդներ), 55
Հետևեք NEWS.am SPORT-ին Facebook-ում, Twitter և Telegram-ում