Վերատին վերականգնվել է ծնկի վնասվածքից հետո եւ կօգնի Իտալիայի հավաքականին

Իտալիայի հավաքականի եւ ֆրանսիական ՊՍԺ-ի կիսապաշտպան Մարկո Վերատին վերականգնվել է ծնկի վնասվածքից հետո եւ պատրաստ կլինի Ուելսի դեմ Եվրո-2020-ի խմբային փուլի երրորդ տուրի հանդիպմանը A խմբում։

«Մարկոն պետք է խաղա։ Այսքան մարզումներից հետո նա պատրաստ է։ Տեսնենք, թե ինչ վիճակում կլինի նա առաջին խաղակեսից հետո»,- Մանչինիի խոսքը մեջբերում է ՈւԵՖԱ-ի մամուլի ծառայությունը։

Եվրո-2020-ի առաջին երկու հանդիպումները Վերատին բաց է թողել։ Իտալիան հաղթել է Թուրքիային (3:0) եւ Շվեյցարիային (3:0)՝ ապահովելով տեղը 1/8 եզրափակիչում։

Երրորդ տուրի Իտալիա – Ուելս հանդիպումը տեղի կունենա հունիսի 20-ին եւ կմեկնարկի Երեւանի ժամանակով 20։00-ին։ Ուելսը 4 միավորով երկրորդ տեղում է։

Հետևեք NEWS.am SPORT-ին Facebook-ում, Twitter և Telegram-ում