«Բավարիան» մրցաշրջանը վերսկսեց հաղթանակով

Կորոնավիրուսի պանդեմիայի հետեւանքով դադարեցված ֆուտբոլի Գերմանիայի առաջնության վերսկսումից հետո շարունակվում է 26-րդ տուրը։ Չեմպիոն «Բավարիան» Բեռլինում մրցեց «Ունիոնի» հետ։ Գերմանացի Հանս-Դիտեր Ֆլիկի գլխավորած թիմն առավելության հասավ 2։0 հաշվով։ Մյունխենյան ակումբին հաղթանակ բերեցին լեհ հարձակվող Ռոբերտ Լեւանդովսկու եւ ֆրանսիացի պաշտպան Բենժամեն Պավարի գոլերը։

«Բավարիան» 58 միավորով գլխավորում է մրցաշարային աղյուսակը եւ 4 միավորի առավելություն ունի երկրորդ տեղում ընթացող Դորտմունդի «Բորուսիայի» նկատմամբ։ «Ունիոնը» 12-րդն է՝ 30 միավոր։

Գերմանիայի առաջնություն, 26-րդ տուր

«Ունիոն» - «Բավարիա»՝ 0։2 (տեսանյութ)

Ռոբերտ Լեւանդովսկի, 40, 11մ, Բենժամեն Պավար, 80

«Քյոլն» - «Մայնց»՝ 2։2

Մարկ Ուտ, 6, 11մ, Ֆլորիան Կայնց, 53 - Տայվո Ավոնիյի, 61, Պյեր Կունդե, 72

Հետևեք NEWS.am SPORT-ին Facebook-ում, Twitter և Telegram-ում