Հարություն Մերդինյանն այստեղ իր վերջին մրցաշարն է անցկացնում: Նա կավարտի իր մարզական կարիերան: Քննարկել եւ պայմանավորվել ենք, որ այս Եվրոպայի առաջնությունը նրա վերջին մրցելույթն է:
Այս մասին Ռիմինիում NEWS.am Sport-ի թղթակցի հետ զրույցում հայտնեց սպորտային մարմնամարզության Հայաստանի հավաքականի գլխավոր մարզիչ Հակոբ Սերոբյանը: Հարություն Մերդինյանը նժույգ թափերի որակավորման փուլում վաստակեց 13.900 միավոր:
«Եվրոպայի առաջնությունը Հարություն Մերդինյանի վերջին մրցաշարն է պրոֆեսիոնալ կարիերայում: Նա արդեն տարիքով է, վնասվածքները շատ են, նրա փորձը մեզ պետք է թիմում: Այսօր երեւի վերջին մրցաշարին մասնակցեց, քանի որ միավորները ցածր էր եւ որակավորման փուլը դժվար՝ հաղթահարի»,- նշեց Հակոբ Սերոբյանը:
39-ամյա Հարություն Մերդինյանը աշխարհի առաջնության կրկնակի բրոնզե մեդալակիր է, Եվրոպայի կրկնակի չեմպիոն, աշխարհի գավաթի խաղարկության բազմակի ոսկե մեդալակիր: Մասնակցել է Ռիո-2016 Օլիմպիական խաղերին: Հայաստանի հավաքականի ավագն է:
Հայաստանի թիմը սպասում է որակավորման փուլի արդյունքներին: Այժմ ընթանում է վերջին խմբի որակավորումը, որից հետո պարզ կլինի, թե քանի մարմնամարզիկ է դուրս եկել եզրափակից:
Օղակների վարժությունում Արթուր Դավթյանը վաստակեց 14.633 միավոր:
Օրեր առաջ Փարիզի Օլիմպիական խաղերի ուղեգիր (օղակների վարժություն) նվաճած Վահագն Դավթյանը ուսի վնասվածքի պատճառով չի մասնակցում Եվրոպայի առաջնությանը:
NEWS.am Sport-ը սպորտային մարմնամարզության Եվրոպայի առաջնությունն Իտալիայից լուսաբանում է Յունիբանկի աջակցությամբ:
Լուսինե Շահբազյան
Հետևեք NEWS.am SPORT-ին Facebook-ում, Twitter և Telegram-ում
12:57 , 6 մայիսի 
12:09 , 6 մայիսի 
11:41 , 6 մայիսի 
11:19 , 6 մայիսի 
10:58 , 6 մայիսի 
10:29 , 6 մայիսի 
09:42 , 6 մայիսի 
09:26 , 6 մայիսի 
00:42 , 6 մայիսի 
23:56 , 5 մայիսի 
