23:58  +04,  8 հունիսի, 2019

Ռոման Բերեզովսկին, Արամ Հայրապետյանն ու Պետրոս Ավետիսյանը՝ Հայաստանի հաղթանակի մասին

Ֆուտբոլի Հայաստանի ազգային հավաքականի դարպասապահների մարզիչ Ռոման Բերեզովսկին եւ խաղացողները մեկնաբանել են 3։0 հաշվով տնային հաղթանակը Լիխտնեշտեյնի հավաքականի նկատմամվ Եվրոպայի առաջնության ընտրական մրցաշարի երրորդ տուրում, փոխանցում է NEWS.am Sport-ի թղթակիցը։

«Տպավորությունները շատ լավ են, տղաները շատ լավ խաղացին, ուրախացրին բոլորիս։ Կարծում եմ՝ շատ էներգիա ծախսեցին, ափսոս, որովհետեւ 2 օրից էլի շատ լուրջ խաղ է սպասվում։

Արամ Հայրապետյանը լավ է զգում, նորմալ է, անհաջող ընկավ։ Ոսկանյանի փոխանցումից հետո ճիշտ էր, որ նշանակվեց ազատ հարված, չգիտեմ երևի տխրում էր մեր դարպասապահը և որոշեց ձեզ ուրախացնել»,- նշեց Ռոման Բերեզովսկին։

«Լիխտենշտեյնի հավաքականին գրեթե ոչ մի շանս չտվեցինք: Միայն ես էի նրանց համար գոլային պահեր ստեղծում, նրանք միայն իմ սխալների հաշվին էին վտանգավոր պահ ստեղծում ու գոլ խփելու հնարավորություն ունենում: Առաջին խաղակեսում նրանք ուղղակի ոչ մի հնարավորություն չունեին: Երկրորդ խաղակեսում իմ կոպիտ սխալներն էին նրանց մի քիչ շանս տալիս: Կշարունակենք աշխատել, որպեսզի նման սխալներ թույլ չտանք: 3:0 հաշվով ավարտեցինք խաղը, բոլորիս ու ամենակարեւորը երկրպագուներին ուրախացրեցինք»,- ասաց «Բանանցի» դարպասապահ Արամ Հայրապետյանը:

«Շատ ուրախ եմ, որ մեկնարկային կազմում խաղալու հնարավորություն ստացա։ Արագ գոլը մեզ օգնեց, որ ավելի հեշտ ընթանա խաղը և խոշոր հաշվով հաղթանակ տանենք . շատ ուրախ եմ, որ երկրպագուները նորից վայելեցին Հայաստանի հավաքականի հաղթանակը։ Հուսով եմ, որ կզարգացնենք հաջողությունը, և ես հետագայում ավելի օգտակար կլինեմ։ Մեծ պատիվ է և պատասխանատվություն։ Առաջին անգամ էի մեկնարկային կազմում, կար մի քիչ լարվածություն, բայց արդեն թեթևացավ»,- նշեց «Արարատ-Արմենիայի» կիսապաշտպան Պետրոս Ավետիսյանը։

Հայաստանի հավաքականը Հունաստանի թիմի հետ կխաղա հունիսի 11-ին Աթենքում։

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Այս թեմայով


  • Լրահոս
  • Հարցում
Քվեարկել են (12)
  • Ֆեյսբուք
  • NEWS.am Sport Exclusive
  • Արխիվ