Թուրինի «Յուվենտուսի» պորտուգալացի հարձակվող Կրիշտիանու Ռոնալդուն «Կյեւոյի» հետ Իտալիայի առաջնության 20-րդ տուրի հանդիպման (3:0) նախավարժանքի ժամանակ գնդակով պատահմամբ հարվածել է ակումբի երկրպագուհիներից Էլենե Դի Մարտինոյի դեմքին: Տրիբունայում գտնվող երկրպագուհին ստացել է քթի կոտրվածք:
Էլենեն զայրացած չէ 33-ամյա ֆուտբոլիստի վրա եւ հանդիպման հրավեր է սպասում նրանից: Այդ մասին երկրպագուհին գրել է սոցցանցերում՝ տեղադրելով լուսանկար:
Հիշեցնենք, որ այդ խաղում Ռոնալդուն չէր կարողացել անվրեպ իրացնել 11 մետրանոց հարվածը: Դա նրա կարիերայի 25-րդ չիրացված 11 մետրանոցն է: Նույնքան անգամ վրիպել է նաեւ «Բարսելոնայի» արգենտինացի հարձակվող Լիոնել Մեսին:
Հետևեք NEWS.am SPORT-ին Facebook-ում, Twitter և Telegram-ում