10:55  ,  7 հունվարի, 2019

«Արցախն» ունի նոր սեփականատեր

Տեղի է ունեցել Երեւանի «Արցախի» սեփականատիրոջ փոփոխություն: Սեւան Ասլանյանին փոխարինել է Կարեն Աբրահամյանը, որը զբաղեցրել է նաեւ ակումբի նախագահի պաշտոնը: Գործարքը կայացել է Ամանորից առաջ, փոխանցում է ակումբի մամուլի ծառայությունը:

«Հայկական ֆուտբոլը, կարծում եմ, մեծ հեռանկարներ ունի: «Արցախին» վերաբերող բավականին հավակնոտ ծրագրեր ունենք, որոնց ձեռնամուխ ենք լինելու ակումբի համալրման աշխատանքները ավարտին հասցնելուց անմիջապես հետո:

Չնայած իր կարճ պատմությանը՝ «Արցախն» այն ֆուտբոլային ակումբն է, որի կազմում հիմնականում հայաստանցի ֆուտբոլիստներ են` թե' փորձառու, թե' երիտասարդ: Մինչեւ այս մրցաշրջանի ավարտը թիմը պետք է անցկացնի եւս 16 խաղ: Դրանցից յուրաքանչյուրում ակնկալում եմ տեսնել նվիրվածություն, դիտարժան ու արդյունավետ ֆուտբոլ»,- ֆուտբոլիստների եւ մազչական կազմի հետ առաջին հանդիպման ընթացքում հայտարարել է Կարեն Աբրահամյանը:

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով