Հայաստանի ֆուտբոլի ֆեդերացիան դեկտեմբերի 24-ին ամփոփեց «Տարվա լավագույն ֆուտբոլիստ» եւ «Տարվա լավագույն մարզիչ» անվանակարգերում քվեարկության արդյունքները:
Հայաստանի լավագույն ֆուտբոլիստ ճանաչվեց Հայաստանի ազգային հավաքականի եւ ղազախական «Ակտոբեի» կիսապաշտպան Մարկոս Պիզելին, որն ընդհատեց Հենրիխ Մխիթարյանի հեգեմոնիան: «Տարվա լավագույն ֆուտբոլիստ» մրցույթում նախորդ 7 տարիներին հաղթել էր Հայաստանի հավաքականի եւ Լոնդոնի «Արսենալի» կիսապաշտպանը: Հենրիխ Մխիթարյանը Հայաստանի լավագույն ֆուտբոլիստ ճանաչվել է 8 անգամ, իսկ 34-ամյա Պիզելին առաջին անգամ է արժանանում նման պատվի:
Հայաստանի Բարձրագույն խմբի ակումբների ներկայացուցիչները (ավագներ եւ գլխավոր մարզիչներ) առաջին տեղում ամենաշատը նշել են Հենրիխ Մխիթարյանի անունը, իսկ Մարկոս Պիզելին մեծ առավելությամբ հաղթել է լրագրողների քվեարկության արդյունքում:
Մարկոս Պիզելիին Ղազախստանի ավարտված առաջնությունում (33 տուր) 24 խաղում խփել էր 18 գոլ եւ ճանաչվել մրցաշրջանի լավագույն ֆուտբոլիստ, ռմբարկու ու գոլի հեղինակ: Պիզելին առաջին տեղն էր գրավել նաեւ «գոլ+փոխանցում» հաշվարկով՝ դառնալով 10 գոլային փոխանցման հեղինակ:
«Տարվա լավագույն մարզիչ» անվանակարգում հաղթել էր «Փյունիկի» գլխավոր մարզիչ Անդրեյ Տալալաեւը, որի գլխավորությամբ երեւանյան թիմը այս մրցաշրջանում դարձել էր հայկական ֆուտբոլի պատմության միակ ակումբը, որը եվրագավաթներում հաղթանակի հասավ որակավորման 2 փուլերում: Եվրոպայի լիգայում երեւանյան ակումբը հաղթահարել էր մակեդոնական «Վարդարի» (1:0, 2:0) ու ղազապական «Տոբոլի» (1:2, 1:0) արգելքը, իսկ երրորդ փուլում պարտվեց Թել Ավիվի «Մաքաբիին» (0:0, 1:2):
Լավագույն մարզիչի քվեարկությունում Հայաստանի Բարձրագույն խմբի ակումբների ներկայացուցիչները առաջին տեղում ամենաշատը նշել են Արմեն Գյուլբուդաղյանցի անունը, իսկ լրագրողների մեծամասնությունը նախապատվությունը տվել է Անդրեյ Տալալաեւին:
Հայաստանի ազգային հավաքականի նախկին գլխավոր մարզիչ, այժմ «Արարատ-Արմենիան» գլխավորող Վարդան Մինասյանը չի մասնակցել լավագույն մարզիչի քվեարկությանը: Տարվա լավագույն ֆուտբոլիստի մրցույթում Մինասյանն առաջին տեղում նշել է Հենրիխ Մխիթարյանին, երկրորդում՝ Մարկոս Պիզելիին, իսկ երրորդում՝ Վարազդատ Հարոյանին:
Գյումրիի «Շիրակն» ընդհանրապես չի մասնակցել քվեարկությանը:
Հիշեցնենք, որ լավագույն ֆուտբոլիստին ու մարզիչին ընտրում են միայն լրատվամիջոցների եւ ակումբների ներկայացուցիչները: Յուրաքանչյուր լրատվամիջոց ունի 1 ձայնի իրավունք:
«Տարվա լավագույն ֆուտբոլիստ»
«Տարվա լավագույն մարզիչ»
NEWS.am Sport-ի քվեարկությունը
«Տարվա լավագույն ֆուտբոլիստ»
«Տարվա լավագույն մարզիչ»
Հետևեք NEWS.am SPORT-ին Facebook-ում, Twitter և Telegram-ում
19:00 , 26 ապրիլի 
18:01 , 26 ապրիլի 
17:05 , 26 ապրիլի 
16:06 , 26 ապրիլի 
15:26 , 26 ապրիլի 
14:52 , 26 ապրիլի 
14:03 , 26 ապրիլի 
13:45 , 26 ապրիլի 
12:22 , 26 ապրիլի 
11:14 , 26 ապրիլի 
