ՕԽ-2018. Եվգենյա Մեդվեդեւան ու Ալինա Զագիտովան աշխարհի ռեկորդներ գրանցեցին կարճ ծրագրում

Հարավային Կորեայի Փհենչհան քաղաքում ընթացող 23-րդ ձմեռային Օլիմպիական խաղերի գեղասահքի կանանց մենասաքի կարճ ծրագրում համաշխարհային ռեկորդով հաղթել է ռուսաստանցի Ալինա Զագիտովան, որը հավաքել է 82,92 միավոր։

Երկրորդ տեղը գրավել է ռուսաստանցի Եվգենյա Մեդվեդեւան (Բաբասյան)՝ գրանցելով 81,61 միավոր։ Հայկական արմատներ ունեցող 18-ամյա մարզուհին առաջինն է թարմացրել իր կողմից սահմանված աշխարհի ռեկորդը, սակայն քիչ անց Ալինա Զագիտովան գերազանցել է այն։ Երրորդ արդյունքը ցուցադրել է կանադացի Քեյթլին Օսմոնդը՝ 78,87։

Ազատ ծրագրի մրցումը տեղի կունենա փետրվարի 23-ին։

Հիշեցնենք, որ 1999 թվականին Մոսկվայում ծնված Մեդվեդեւայի հայրը հայ է: Նրան է պատկանում գեղասահքի երկու ծրագրերի (կարճ եւ ազատ) հանրագումարի աշխարհի ռեկորդը (233.41 միավոր):

Evgenia Medvedeva #OAR has done it again! Her score of 81.61 is a #FigureSkating short program world record. She's currently first with four more athletes still to perform. #PyeongChang2018 #Olympics pic.twitter.com/1IvEZxIugs

— Olympics (@Olympics) February 21, 2018

Հետևեք NEWS.am SPORT-ին Facebook-ում, Twitter և Telegram-ում