«Սուոնսի» - «Արսենալ». Հենրիխ Մխիթարյանը՝ լոնդոնյան ակումբի անոնսում

Լոնդոնի «Արսենալը» ուելսյան «Սուոնսիի դեմ անգլիական Պրեմյեր լիգայի 25-րդ տուրի խաղի մասին հիշեցրել է թիմի նորեկ Հենրիխ Մխիթարյանի միջոցով:

«Արսենալը» թվիթերյան էջում տեղադրել է Հայաստանի հավաքականի 29-ամյա կիսապաշտպանի շարժանկարը՝ կատարելով հետեւյալ գրառումը It's MATCHDAY (օրվա խաղը):

Սուոնսիում հունվարի 30-ին կայանալիք հանդիպումը կսկսվի Երեւանի ժամանակով 23:45-ին:

Հիշեցնենք, որ հունվարի 22-ին Հենրիխ Մխիթարյանը երկարաժամկետ պայմանագիր էր կնքել «Արսենալի» հետ եւ ստացել 7 համարի մարզաշապիկը: Այս մրցաշրջանում «Արսենալի» 7 համարը պատկանում էր չիլիացի հարձակվող Ալեքսիս Սանչեսին, որին «Մանչեսթեր Յունայթեդը» փոխանակեց Հենրիխ Մխիթարյանի հետ:

Հայ կիսապաշտպանը 2016-ից խաղում էր «Մանչեսթեր Յունայթեդում», որի կազմում անցկացրել է 39 հանդիպում եւ դարձել 5 գոլի հեղինակ:  

Հետևեք NEWS.am SPORT-ին Facebook-ում, Twitter և Telegram-ում