11:45  ,  2 հոկտեմբերի, 2017

Լիլիթ Պողոսյանն առաջին տեղն է գրավել Դանիայում

Բադմինտոնի Հայաստանի չեմպիոն Լիլիթ Պողոսյանը դարձել է դանիական Li-Ning Valby Open 2017 մրցաշարի հաղթող, հայտնում են բադմինտոնի ֆեդերացիայից:

3 հաղթանակ տանելուց հետո հայ մարզուհին դուրս է եկել եզրափակչ, որտեղ 21-15, 21-16 հաշվով հաղթել է դանիական «Հերլեւ» ակումբի ներկայացուցիչ Միա Ֆալկենբերգին:

Սա դանիական A մակարդակի մրցաշարերից մեկն էր, որին մասնակցում են դանիական ակումբների՝ թե՛ միջազգային, թե՛ տեղացի խաղացողները: Լիլիթը մրցաշրջանում հանդես էր գալիս Թոստղուպ քաղաքի Taastrup Elite Badminton ակումբի կազմում:

Պողոսյանը կմասնակցի նաեւ Բուլղարիայի մայրաքաղաք Սոֆիայում հոկտեմբերի 5-ին մեկնարկող Babolat Bulgarian International 2017 մրցաշարին, որտեղ հանդես կգա մենախաղում ու զուգախաղում, որում նրա թիմակիցը կլինի Սերբիայի ներակայացուցչուհի Միլիցա Սիմիչին:

Հետևեք NEWS.am SPORT-ին Facebook-ում, Twitter և Telegram-ում