Հենրիխ Մխիթարյանն առանցքային դերակատարություն ունի Հայաստանի հավաքականի խաղի կազմակերպման հարցում, ասել է Ղազախստանի հավաքականի գլխավոր մարզիչ Ալեքսանդր Բորոդյուկը՝ խոսելով աշխարհի առաջնության ընտրական մրցաշարի առաջիկա հանդիպումների մասին:
«Հայաստանն ունի լավ հավաքական, կատարողների լավ խումբ: Մխիթարյանն իր գործողություններով խաղադաշտում վստահություն է հաղորդում ամբողջ կազմին:
Բայց ես միշտ հավատում եմ իմ ֆուտբոլիստներին: Նրանցից յուրաքանչյուրը մարտիկ է, որը ջանք չի խնայի իր երկիրը արժանիորեն ներկայացնելու համար»,- ասել է Բորոդյուկը:
Ղազախստան - Հայաստան հանդիպումը տեղի կունենա հոկտեմբերի 8-ին:
Հետևեք NEWS.am SPORT-ին Facebook-ում, Twitter և Telegram-ում