«Մանչեսթեր Յունայթեդի» կիսապաշտպան Հենրիխ Մխիթարյանը 7-րդ անգամ եւ 6-րդ տարին անընդմեջ ճանաչվեց Հայաստանի լավագույն ֆուտբոլիստ:
Հայաստանի ֆուտբոլի ֆեդերացիան ամփոփել է «Տարվա լավագույն ֆուտբոլիստ» անվանակարգում 2016թ. քվեարկության արդյունքները:
Հայաստանի հավաքականի ավագը հավաքել է 245 միավոր: Ընդհանուր առմամբ, 50 քվեարկողներից 49-ը Մխիթարյանի անունը նշել են առաջին տեղում:
56 միավորով երկրորդ տեղը զբաղեցրել է պորտուգալական «Մարիտիմուի» կիսապաշտպան Գեւորգ Ղազարյանը, ում անունը 17 անգամ նշվել է երկրորդ, 5 անգամ՝ երրորդ տեղում:
45 միավորով երրորդ տեղում է հայտնվել ԱՄԷ-ն ներկայացնող «Ալ-Ֆուջեյրա» ակումբի կիսապաշտպան Մարկոս Պիզելին, որի անունը 11 անգամ նշվել է երկրորդ, 12 անգամ՝ երրորդ տեղում:
Հարցման արդյունքներին ամբողջությամբ կարող եք ծանոթանալ այստեղ:
NEWS.am Sport-ի քվեարկությունը
1. Հենրիխ Մխիթարյան
2. Մարկոս Պիզելի
3. Արտակ Գրիգորյան
Հետևեք NEWS.am SPORT-ին Facebook-ում, Twitter և Telegram-ում