Ֆուտբոլի Ռուսաստանի առաջնության 15-րդ տուրում Սանկտ Պետերբուրգի «Զենիթը» մրցակցի խաղադաշտում 1:2 հաշվով պարտվեց «Կրասնոդարին»: Խաղի հաշիվը 86-րդ րոպեին բացեց «Զենիթի» ռուս հարձակվող Արտյոմ Ձյուբան, սակայն ավելացված ժամանակում կրասնոդարցիները խփեցին 2 գոլ եւ տարան կամային հաղթանակ: Դաշտի տերերի հաղթական գոլն 94-րդ րոպեին խփեց վրացի կիսապաշտպան Տորնիկե Օկրիաշվիլին, որն աչքի ընկավ շրջադարձ հարվածով:
«Ռոստովը» տանը 2:0 հաշվով հաղթեց Մախաչկալայի «Անժիին», որի հայտացուցակից բացակայում էր վնասվածքից վերականգնվող Կառլեն Մկրտչյանը: Ռուսաստանցի կիսապաշտպան Խորեն Բայրամյանը մնաց ռուստովցիների փոխարինողների թվում:
31 միավորով երկրորդ տեղում գտնվող «Զենիթն» արդեն 6 միավոր է զիջում առաջատար Մոսկվայի «Սպարտակին»: «Կրասնոդարը» շրջանցեց Մոսկվայի ԲԿՄԱ-ին եւ 27 միավորով բարձրացավ երրորդ տեղ:
Ռուսաստանի առաջնություն, 15-րդ տուր
«Կրասնոդար» - «Զենիթ»՝ 2:1
Մարատ Իզմայլով, 90+2, Տորնիկե Օկրիաշվիլի, 90+4 – Արտյոմ Ձյուբա, 86
«Ռոստով» - «Անժի»՝ 2:0
Սերդար Ազմուն, 40, Ալեքսանդրու Գացկան, 79
Հեռացում՝ Ալեքսանդրու Գացկան, 80 («Ռոստով»)
Հետևեք NEWS.am SPORT-ին Facebook-ում, Twitter և Telegram-ում