Պրոֆեսիոնալ բռնցքամարտի գերծանրքաշային կարգում հանդես եկող Վիտալի Կլիչկոն հայտարարել է, որ իր հաջորդ մենամարտի վերաբերյալ ոչ մի հստակ տեղեկություն չկա:
Մինչեւ այս գերմանական լրատվամիջոցներում լուրեր էին շրջանառվում, որ ուկրաինացի բռնցքամարտիկն իր հաջորդ մենամարտը կանցկացնի սեպտեմբերի 8-ին Կիեւի «Օլիմպիական» ստադիոնում, իսկ նրա մրցակիցը կլինի սիրիական ծագումով գերմանացի բռնցքամարտիկ Մանուել Չարը: Վերջինս նույնիսկ հասցրել է հայտարարել, որ Կլիչկոյի հետ մենամարտի պայմանագիր է ստորագրել:
«Իսկապես, տեղեկություն էր հայտնվել, որ իմ մենամարտը տեղի կունենա «Օլիմպիականում»: Նույնիսկ մրցակցի անունն էին նշել: Հայտարարում եմ, որ այդ տեղեկությունը չի համապատասխանում իրականությանը, ոչ մի պայմանագիր չեմ ստորագրել: Երբ ես կոնկրետ տեղեկություն ունենամ, մենք անմիջապես կհրավիրենք մամուլի ասուլիս, որտեղ կհայտարարենք իմ հաջորդ մենամարտի վայրի մասին»,- Կլիչկոյի խոսքը փոխանցում է Boxingnews.com.ua-ն:
Հետևեք NEWS.am SPORT-ին Facebook-ում, Twitter և Telegram-ում
16:12 , 3 մայիսի 
15:43 , 3 մայիսի 
15:12 , 3 մայիսի 
14:06 , 3 մայիսի 
13:11 , 3 մայիսի 
12:57 , 3 մայիսի 
12:26 , 3 մայիսի 
11:49 , 3 մայիսի 
11:21 , 3 մայիսի 
10:54 , 3 մայիսի 
