Ուսման Դեմբելե. Երազանքս է խաղալ «Բարսելոնայում»

Երազանքս է խաղալ «Բարսելոնայում», Պրիմերան շատ մրցակցային առաջնություն է, ասել է ֆրանսիական «Ռենի» հարձակվող Ուսման Դեմբելեն:

«Նեյմարն ու Մեսին ներշնչում են ինձ, նրանք հրաշալի ֆուտբոլիստներ են: Մարզումների ժամանակ ձգտում եմ կրկնել նրանց հնարքները:

Հավանում եմ նաեւ Բունդեսլիգան: Գերմանիայի առաջնությունում հարձակողական ֆուտբոլ է, թիմերը շատ գոլեր են խփում»,- Ուսման Դեմբելեի խոսքը մեջբերում է beinsports-ը:

Կատալոնական ակումբի սկաուտները հետեւել են 18-ամյա ֆրանսիացի հարձակվողի խաղին: Ֆրանսիայի առաջնության 29-րդ տուրում Դեմբելեն երեք գնդակ է ուղարկել «Նանտի» դարպասը: «Ռենը» հաղթել է 4:1 հաշվով:

Ֆրանսիայի ընթացիկ առաջնությունում Դեմբելեն 17 խաղում խփել է 9 գոլ, կատարել է 3 գոլային փոխանցում:

Հետևեք NEWS.am SPORT-ին Facebook-ում, Twitter և Telegram-ում