Բեռլինում փետրվարի 20-ին կայացավ պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի չեմպիոն Արթուր Աբրահամի եւ չեմպիոնի հավակնորդ Փոլ Սմիթի կշռման պաշտոնական արարողությունը: 35-ամյա Արթուր Աբրահամը 76,1 կգ է: 32-ամյա բրիտանացի բռնցքամարտիկի քաշը 75,1 կգ է: Արթուրն այս անգամ եւս Սմիթից ծանր է:
Կշռման արարողությունը կայացավ «Բեռլին-Մոլում», որտեղ ասեղ գցելու տեղ չկար: Փոլ Սմիթի եւ Արթուր Աբրահամի երկրպագուները մենամարտի էին դուրս եկել, թե ով ավելի բարձր եւ ակտիվ կերկրպագի իր սիրելի բռնցքամարտիկին:
Հիշեցնենք, որ մենամարտը տեղի կունենա փետրվարի 21-ին Բեռլինի O2 World մարզապալատում Երեւանի ժամանակով 01:30-ին (փետրվարի 22):
Լուսինե Շահբազյան՝ Բեռլինից
Հետևեք NEWS.am SPORT-ին Facebook-ում, Twitter և Telegram-ում