Գերմանիայի հավաքականի կազմում 1990թ. աշխարհի չեմպիոն, 1982թ. եւ 1986թ. աշխարհի փոխչեմպիոն, այժմ ֆուտբոլային մարզիչ Պյեռ Լիտբարսկին 1:7 հաշվով ավարտված Բրազիլիա - Գերմանիա խաղից հետո զարմանքով է խոսել մրցակցի մասին՝ բրազիլացի ֆուտբոլիստներին համեմատելով Աֆղանստանի թիմի հետ, հաղորդում է oglobo-ն:
«Աշխարհի առաջնության կիսաեզրափակիչում տպավորություն էր, թե Գերմանիան խաղում է Աֆղանստանի դեմ: Մենք հրաշալի թիմ ունենք ոչ միայն խաղադաշտում: Գերմանիան փայլուն կազմ ունի նաեւ պահեստայինների նստարանին: Նույնը հնարավոր չէ ասել Բրազիլիայի հավաքականի մասին»,- նշել է Պյեռ Լիտբարսկին:
Հուլիսի 13-ին Գերմանիայի հավաքականը եզրափակիչում կմրցի Հոլանդիա - Արգենտինա զույգի հաղթողի հետ:
Հետևեք NEWS.am SPORT-ին Facebook-ում, Twitter և Telegram-ում