Գերմանիայի հավաքականի եւ Հռոմի «Լացիոյի» հարձակվող Միրոսլավ Կլոզեն, ԱԱ-2014-ի կիսաեզրափակիչում գրավելով բրազիլացիների դարպասը, դարձավ աշխարհի առաջնություններում ամենաշատ գոլ խփած ֆուտբոլիստը:
36-ամյա գերմանացին «Մունդիալներում» իր գոլերի քանակը հասցրեց 16-ի՝ մեկ գնդակով գերազանցելով բրազիլացի լեգենդար հարձակվող Ռոնալդոյի ռեկորդը: Ռոնալդոն մասնակցել է 3 «Մունդիալների»՝ անցկացնելով 19 խաղ, իսկ Կլոզեն ուժերը փորձում է չորրորդ աշխարհի առաջնությունում: Գերմանացուց 23 հանդիպում պահանջվեց 16 գոլ խփելու համար:
Նախկինում Կլոզեն երբեք գոլ չէր խփել աշխարհի առաջնությունների կիսաեզրափակիչներում ու եզրափակիչներում:
Գերմանացիներն արդեն 5 անպատասխան գնդակ են ուղարկել բրազիլացիների դարպասը: Ընթանում է առաջին խաղակեսը:
Հետևեք NEWS.am SPORT-ին Facebook-ում, Twitter և Telegram-ում