23:40  ,  8 հուլիսի, 2014

Նեյմար. Այժմ ես 200 միլիոն ֆանատներից մեկն եմ

Կատալոնական «Բարսելոնայի» հարձակվող Նեյմարը Բրազիլիայի հավաքականի երկրպագուներին կոչ է արել համախմբել գերմանացիների դեմ ԱԱ-2014-ի կիսաեզրափակիչի խաղից առաջ:

«Ցանկանում եմ սովորել մի քանի լեզու, որպեսզի բոլորին շնորհակալություն հայտնեմ աջակցության համար: Ձեր հաղորդագրությունները սփոփեցին իմ վիշտը:

Այսօր Գերմանիա – Բրազիլիա խաղը կդիտեմ կողքից: Ես կլինեմ 200 միլիոն ֆանատներից մեկը եւ գիտեմ, թե մեր աջակցությունն ինչքան կարեւոր է տղաների համար: Այդ պատճառով բոլորին խնդրում եմ համախմբել եւ մինչեւ վերջին վայրկյանը լինել թիմի կողքին: Ցանկանում եմ բոլոր ֆուտբոլիստների եւ երկրպագուների հետ կիրակի օրը մեկնել «Մարականա»,- Instagram-ի էջում գրել է 22-ամյա բրազիլացին: 

Հիշեցնենք, որ Նեյմարը վնասվածքի պատճառով բաց է թողնելու ԱԱ-2014-ի մնացած հատվածը:

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով

  • Լրահոս